Давран Игамбердиев

Автору Давран Игамбердиев

• Июнь 07, 2024

  "Хакерлердин колунда менин маалыматым жүрөт. Кандай кылабыз?"

  Team Insane Pakistan хакердик тобу 600 миңден ашуун кыргызстандыктардын жана компаниялардын жеке маалыматтарын ачыкка чыгарганын жарыялады. “Азаттык” хакерлер жарыялаган маалыматтар эски экенин, бирок көп адамдардын аты-жөнү, дареги жана жеке идентификациялык номурлары дал келерин аныктады.

• Июнь 03, 2024

  Кант: Темир жол, футбол, Орусиянын базасы

  Бишкектен 20 чакырымдай жайгашкан Кант шаары ири ишканалары, футболдук инфраструктурасы жана жүздөгөн чет жерлик студенттер билим алган медициналык окуу жайы жана Орусиянын авибазасы жайгашканы менен белгилүү. “Данисте” жүз жылдык тарыхы бар Кант тууралуу баяндайт.

• Май 31, 2024

  Алыкулдун үй-музейин жаңылоо: убада көп, аракет аз

  Кыргыз поэзиясынын залкары, 35 жашында дүйнөдөн мезгилсиз өткөн акын Алыкул Осмоновдун Бишкек шаарынын Сокулук көчөсүндөгү 10-номердеги үйү жаңылоого муктаж. Алыкултаануучу Памирбек Казыбаев акындын үйүн заманбап маданий жайга айландыруу аракеттери, шаар бийлигинин убадасы тууралуу айтып берди.

• Май 18, 2024

  Бишкектеги башаламандык эмнеден башталды?

  Бишкекте 18-майга караган түнү болгон окуяда 30дай киши жабыркаганы, алардын бир тобу чет элдиктер экени, бир бөлүгү жергиликтүү жарандар экени Салматтык сактоо министрлиги тарткан тизмеден көрүнөт. Төрт чет элдик жаран кармалды. Бишкек менен Исламабад жагдай тууралуу бир канча билдирүү таратты.

• Май 13, 2024

  Жасалма акыл, IT заманындагы көркөм өнөрдүн орду

  30 жыл мурун Бишкектеги көркөм сүрөт окуу жайына академия макамы берилген. Окуу жай белгилүү айкелчи Тургунбай Садыковдун ысымын алып жүрөт. Сүрөт өнөрү кантип жашап жатат? Сүрөтчүлөрдүн негизги темасы эмне? “Данисте” ушул суроолорго жооп издеди

• Апрель 28, 2024

  "Милициянын үч полковниги кармалган"

  Кыргызстандагы маңзатка каршы күрөш тууралуу ИИМдин Баңгизатты мыйзамсыз жүгүртүүгө каршы күрөш кызматынын өкүлү Марсел Дөөталиев "Азаттыкка" маек курду.

• Апрель 23, 2024

  Медреседе окуган кыздар кандай билим алат?

  Кыргызстанда 130 диний окуу жайы бар. 34ү кыздардын медреселери. Алар куран жаттоо жана илимий болуп, эки түргө бөлүнөт. Кыздарды 9-11-класстан кийин кабыл алышып, 3-4 жылдык билим беришет. Медреселерде диний жана кесиптик билим менен чектелишип, светтик предметтерди киргизүүгө мүмкүн болбой келет.

• Апрель 09, 2024

  Сокулуктагы кылмыш: 13 жаштагы кызга кысым күчөдү

  Сокулукта зордукталган 13 жаштагы кыздын жакындарына басым болуп жатат. Бул тууралуу маселе парламентте көтөрүлүп, Акыйкатчы укук коргоо органдарын бул маселеге көңүл бурууга чакырды. Милиция окуя боюнча козголгон кылмыш иши тергелип жатканын кабарлады.

• Март 16, 2024

  Бишкекте өзбек өнөрпоздору "Майсаранын жоруктарын" тартуулады

  Өзбекстандын Алишер Навои атындагы мамлекеттик академиялык чоң театры Бишкекке алгачкы ирет чыгармачыл сапар менен келди.

• Март 14, 2024

  Кыргызстан энергетикалык кризистен кантип чыгат?

  Ушул тапта Токтогул суу сактагычында суунун көлөмү эң төмөнкү деңгээлге чукулдап калганы белгилүү. Токтогулдагы суу 6,5 млрд метр кубдан төмөн түшсө ГЭСте авариялык абал жаралат. Энергетика министрлиги 8-марттан баштап өлкөдө пландуу өчүрүүлөр токтогонун жарыяласа дагы чектөөлөр толук алына элек.

• Март 06, 2024

  Аймактарды алга сүрөгөн айымдар

  Кыргызстанда карапайым элдин турмушун жеңилдетип, тазалык ишканасын түзүп, үйүн бала бакчага берип, фитнес борбор ачып, бала бакча курдуруп, жол салдырган айымдар бар. "Азаттык" атайын Ошко сапар тартып, жигердүү айымдардын жетишкендерин тартып келди.

• Март 03, 2024

  "Убукеев "Манаска" баа жеткис кызмат кылды"

  Таланттуу кинорежиссер, тарыхчы-этнограф Мелис Убукеев алгачкы кыргыз көркөм тасмасын жаратуу аркылуу кыргыз киносунун тарыхында калды.

• Февраль 24, 2024

  "Эркиме койбой, эрте күйөөгө беришти”. Кыялы кыйраган кыздар

  2023-жылы Ош облусу боюнча кыздар эрте турмушка чыккан 15 учур катталган. Бул 2022-жылга салыштырмалуу дээрлик эки эсеге көп.

• Февраль 06, 2024

  Төрт баласы менен жалгыз калган келин

  Мадина Касымова төрт баланын энеси. Жалгыз бой аял Бишкектин четиндеги эски үйдүн бир бөлмөсүндө балдарын чоңойтууда. Өзү балдар үйүндө өскөн Мадина жашы бир топ улуу кишиге турмушка чыгып, бирок төрт наристеси менен ажырашып кеткен.

• Февраль 02, 2024

  Молдовановка: түрмө ооруканасындагы бейтаптар

  Кыргызстанда укук коргоочулар абактагылардын саламатыгына гумандуу мамиле болушу керектигин айтып, жабык жайлардагы медициналык кызмат көрсөтүүдөгү көйгөйлөрдү байма-бай көтөрүп келишет. Жаза аткаруу кызматы журналисттер үчүн пресс-тур уюштуруп, абактагы атайын оорукананы көрсөттү.

• Январь 15, 2024

  “Блогерлерди чектейт. Аккредитация алыш керек”

  Министрлер кабинети сунуштаган “Жалпыга маалымдоо каражаттары жөнүндө” мыйзам долбоору 15-январда Жогорку Кеңештин Эл аралык иштер, коргоо, коопсуздук жана миграция боюнча комитетинин күн тартибинен алынды. Депутаттар документте талаштуу беренелер көп деген негизде кайра иштеп чыгууну сунуштады.

• Январь 11, 2024

  Кара-Суу базары үчүн "кармаш"

  Мамлекеттик мүлк агенттиги Кара-Суу базарын толук алууга аракет кылып жатат. Соттун эки инстанциясында алардын пайдасына өкүм чыкты. Учурда алып-сатуу келишимдерин жокко чыгаруу арызы сотто каралууда. Базаркомдор, жер ээлери муну "рейдерлик басып алуу" аракети катары сыпаттап келет.

• Январь 01, 2024

  "Кыргыз ырларына жаңы өмүр бергибиз келет"

  Meta team “Азаттыктын” студиясында жаңы жылдык ыр белегин тартуулады.

• Декабрь 25, 2023

  Жем-чөптү үнөмдөгөн жаңы тоют

  Кыргызстандын көпчүлүк аймактарында быйылкы кургакчылыктан улам тоют жакшы болбой калып, айрым фермелер мал-жандыктарынын санын азайтып, базарга алып чыгууга аргасыз болууда. Бир таңгак чөп 450-500 сомго чейин чыкты. Ашуу ашып, бир чөлкөмдөн экинчисине чөп сатып алып кеткендер болууда.

• Декабрь 23, 2023

  Аймактык реформа: Ош шаары кеңейет

  Президенттин Ош облусундагы өкүлчүлүгү аймактык реформанын долбоорун даярдады.

Дагы жүктөңүз